अनंतकाळची माता

(महिला दिनानिमित्त बुकमाया सादर करीत आहे ‘संस्कारदीप दिवाळी २०१४’ अंकामध्ये प्रसिद्ध झालेली ही कविता )

अनंतकाळची माता

हे शक्ति, हे नारी वंद्य तू विरांगना

किती म्हटले जरी तू ना अबला ललना

असे सत्य ऐकण्या कठिण, काही पुरुषांना

अवतीभवती, तुमच्या घरी पहाता त्या वावरताना

पुरुषाला जन्मही स्त्रीच देते

तुमची मर्दुमकी येथे फोल ठरते

कळा यातना भोग का तिला देता

ती नीच आम्हीच मोठे म्हणून मिरविता

पुरुषांनो, एवढे असाल जर स्वयंभू-बलशाली

तुम्हीच वाढवा तर पोटी तुमच्या वंशावळी

छळून पिडून घेता तिचा नाहक बळी

हीच म्हणे खूण पुरुषार्थाची आगळी वेगळी

अंश प्रसावूनी तू मानव घडविणे गोष्ट नाही खरी

नको बनूस दानव, जगती माननीय आहे नारी

खजील होई विधाता पाहूनी तुमचा ताठा

ज्याने दिला बहुमान स्त्रीला बनवूनी

                           अनंतकाळची माता

- सौ. मेधा श्रीश कामत