नमस्ते कुसुमाग्रजा!

कविवर्य कुसुमाग्रजांच्या स्मृतींना विनम्र अभिवादन!

नमस्ते कुसुमाग्रजा!

नमस्ते कुसुमाग्रजा! सय ठेवूनी गेलात

गोड हिरव्या मखमली नि रेशीम बंधनात

किमया तुमच्या जादूभऱ्या शब्दांतुनी

जगता सजविले कुसुमे तुम्ही पसरुनी

हळूवार प्रेमभावना त्यातुनी स्रवती

आजही चिरतरुण मने हृदयस्पर्श अनुभवती

भवतीच्या ऋतुंची किमया रुजविली मनोमनी

त्या सामर्थ्ये आजही फुले गंधित फुलती जीवनी

निष्पर्ण रानी फुलविली कधी प्रेममाया

कधी जागविली वीरता ललकारुनी धैर्या

ऋषीतुल्य तुम्ही, गुरुस्थानी आम्हा

वारसा दिधला वंद्य तुम्ही आम्हा

द्या गोडवा वाणीचा नि लेखणी तेजाची

जन्मलो या भारती, सेवा करु मराठी मायबोलीची

द्या आशीर्वाद, कवीश्वर तुम्ही प्रतिभावंत

पूज्य तुम्ही, करतो मानाचा मुजरा आम्ही भाग्यवंत

  

- सौ. मेधा श्रीश कामत